ذبحني غلاك

ذبـــــحــــنـــي غــــــلاك


جيت احب غيرك واصدك وأقهرك

ماقـدرت وطحـت لحظتها وسهيت

دام مـاحسيت فـينـي مـااجبرك

وش تفيد الشكوه لو اني شكيت

ليه تذبحني وتدفن خنجرك

هانت ايامي وانا تو ما بديت

تدري لو شايف دموعي بتقهرك

وتكره ايامك وتحس انك خطيت

شافتك روحي وخافت تذكرك

وشافتك عيني وغمضت وبكيت

كنت تبعثرني بمجرد مظهرك

ولما حبيتك ياويلي وش لقيت

اسمح واعفو وابوسك واعذرك

وانت ترميني اذا قمت ومشيت

اااه لـو تـدري وتـطـالع منظرك

كيف انا ابكيلك ولا عني دريت

ماتخاف بيوم اخونك واغدرك

وماتفكر يوم قلبي لك عطيت

مـاتخـاف الله بمـوتي اذكرك

وانت حي وابد ماعني مادريت

ياخي ليه اقبل وتعطيني ظهرك

لـيـه عمري تنكره يـوم عطيت

في الحقيقه جيت اقوك اشكرك

اشكرك جدا على كل ما خطيت

ماشي عنك وخل يغرك مظهرك

ألعن الساعه اللي لك والله جيت

هذي أصورك وخصله من شعرك

دام بعت الحب وماقلت اشتريت

تكـفى تاخـذهم وتقـفـل دفترك

وتنسى ايامي ويكفي ماخذيت

خـلني امشـي ولا عـاد اذكـرك

واخذ جروحي رغم اني انتهيت

جيت احب غيرك واصدك واقهرك

وسالت دموعي على خدي وبكيت

ذبحني غلاك . . .